قصة سارة مع ارهاب الانقلاب في مصر

سارة أحمد عبد العظيم رياض
دي واحدة كل ذنبها إن قريبها نزل مظاهرة .. فلقت نفسها متهمة بإنها مسؤولة في تنظيم انتحاري وحيازة شنطة متفجرات!!

تخيل كده واحدة قاعدة في وسط بيتها .. تلاقي شوية همج مكسرين الباب بالأسلحة وداخلين ضاربين كل اللي في البيت وضاربينها هيا شخصيا وواخدينها بلبس البيت علي القسم !!

سارة طالبة أزهرية .. سنة أولى دراسات إنسانية .. مواليد 1993 .. ساكنة في الهرم..

خطيبها اعتقل من جامعة الأزهر من فترة .. وقبل ما تلحق ترتب له زيارة .. جدها هوا كمان اعتقل من مسيرة !!

الظابط اللي اعتقل جدها أخد منه موبايله .. وقعد يشوف الرسايل اللي فيه .. لقي رسالة من سارة لجدها مكتوب فيها: ترجع لنا بالسلامة يا جدو..

راح الظابط شاتمها وقايله مين دي ؟؟ دي أكيد كذا وكذا .. قدام جدها !!

جدها اتعصب ورد ع الظابط!

الظابط بقي دمه فار .. ليه وليه يرد عليه ..

قاله: طب وربنا لأجيبلهالك أضربها قدامك هنا !!

وبالفعل .. تحركت قوة لبيت سارة .. وكسرت الباب بالرصاص .. ودخلت فضلت تضرب في البنت في غرفة نومها بدون أي مبرر ولا سبب!!

وفتشوا البيت كله .. لقوا فيه الصورة اللي ع اليمين دي .. صورة ليها مع خطيبها ومكتوب إنهم ضد الانقلاب .. ضد الانقلاب!؟ .. ياااه .. شوفتوا الإجرام!!؟

اللوحة دي كانت هيا الحرز الوحيد اللي اتحرز ضدها..

ولما وصلت القسم .. والظابط فتح المحضر .. وسارة كل ده مش فاهمة أصلا إيه اللي بيحصل!!

العسكري اللي بيكتب المحضر قام قايل للظابط: أكتب اللوحة دي في الأحراز يا باشا؟

قاله: لأ لوحة إيه إنت أهبل .. اكتب شنطة متفجرات .. وضم اسم جدها معاها .. اكتب ورايا..

تم ضبط المتهمة وبحوزتها شنطة متفجرات .. وبمواجهتها بالمضبوطات اعترفت بتشكيل تنظيم انتجاري مع جدها لتفجير منشئات حكومية هامة!!

سارة دلوقتي في قسم الهرم..

الزيارة اليومية دقيقة واحدة لتسليم الأكل فقط .. عشان القسم ما بيقدمش ليها أكل .. وأكثر من دقيقة ممنوع..

الحمام اللي في القسم مشترك بين الرجال والنساء..

الظباط قال لسارة: ممنوع هنا إنك تلبسي الخيمة دي (النقاب يعني) .. فلما رفضت تم ضربها لمدة أربع أيام لحد ما خلعت النقاب نهائيا..

تخيل أسرة واحدة .. البنت وخطيبها وجدها بايتين في السجن بتهمة الإرهاب!!

سارة دلوقتي مهددة إنها ممكن بكرة الصبح تتحول محكمة وتلاقي نفسها مرة واحدة سمعت حكم .. وانتقلت سجن .. وبقت صديقة للمجرمين والحرامية والقتالين!!

......
مصر , ثورة ، جريمة ، انقلاب , مرسي , مبارك , السيسي ، شهيد ، قائد ، وزارة , وزير , الاخوان ، شغب ، الداخلية , البلطجية , شبيحه ، اعتقال , سجن ، حكم ، قاضي ، قضاه , سياسة ، بورصة ، سقوط ، مذبحة , ميدان , اعتصام , فض , التحرير , حرية , رابعة ، رابعه , النهضة , فيس بوك ,face book , تويتر , جوجل , يوتيوب , ضباط فاسدون , فاسدون , ظباط , ضابط , عسكري , مجند , ضابط , ظابط , رئيس مباحث , بلطجي , رائد , عسكر , عسكري